ដោយ៖ សេង ពិសិដ្ឋ
ព្រះវិហារ៖ នៅព្រឹកថ្ងៃទី២២ ខែមីនា ឆ្នាំ២០២៥ ឯកឧត្តម ឧត្តមសេនីយ៍ទោ ច័ន្ទ សុភ័ក្រ្តា មេបញ្ជាការ តំបន់ប្រតិបត្តិការសឹករងព្រះវិហារ និងជាប្រធានគណកម្មាធិការសមាគមអតីតយុទ្ធជនកម្ពុជាខេត្ដព្រះវិហារ បានអញ្ជើញដឹកនាំក្រុមការងារ និងអាជ្ញាធរមូលដ្ឋានចុះប្រគល់ថវិកាបេឡាមរណ:សង្រ្គោះដល់គ្រួសារសពអតីតយុទ្ធជនចំនួន០៣ គ្រួសារដែលបានទទួលមរណ:ភាព នៅស្រុកឆែប ខេត្តព្រះវិហារ ។
គ្រួសារសពអតីតយុទ្ធជន 1-ឈ្មោះឆោម ដន ភេទប្រុស អាយុ៦១ ឆ្នាំ.ជាជនពិការ រស់នៅភូមិណារ៉ុង ឃុំឆែបពីរ ស្រុកឆែប ខេត្ដព្រះវិហារគ្រួសារ2-ឈ្មោះ.សុខ ជុំ ភេទស្រី អាយុ ៦៥ ឆ្នាំ ជានិវត្តជន រស់នៅភូមិឆែបលិចឃុំឆែបមួយស្រុកឆែប ខេត្តព្រះវិហារ គ្រួសារ3-ឈ្មោះ កើត ហួន ភេទប្រុស អាយុ ៨០ ឆ្នាំ រស់នៅភូមិក្ដុល ឃុំម្លូព្រៃមួយ ស្រុកឆែប ខេត្ដព្រះវិហារ ក្នុងមួយគ្រួសារៗទទួលបានថវិកាចំនួន៤,០០០, ០០០រៀល-សរុបថវិកាចំនួន ១២,០០០,០០០រៀល។ នៅក្នុងឱកាសនោះដែរ ឯកឧត្ដម ប្រធានគណកម្មាធិការ បាននាំយកអំណោយដ៏ថ្លៃថ្លារបស់សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តី នៃព្រះរាជាណាចក្រកម្ពុជា នឹងលោកជំទាវ បណ្ឌិត ពេជ ចន្ទមុន្នី ហ៊ុន ម៉ាណែត ជូនដល់គ្រួសារ អតីតយុទ្ធជន ទាំង ០៣គ្រួសារ ដែលក្នុង១គ្រួសារទទួលបានសម្ភារ: រួមមាន÷ អង្ករ ០១បេ, មី ០១កេស, ត្រីខ ០១យួ, ទឹកត្រី ០១យួ, ទឹកស៊ីអ៊ីវ ០១យួ ផងដែ ។
ក្នុងនោះឯឧត្ដមប្រធានគណកម្មាធិការសមាគមន៏ បានពាំនាំសេចក្ដីនឹករលឹកនិងប្រសាសន៏ផ្ដាំផ្ញើរសួសុខទុកពីសំណាក់ថ្នាក់ដឹកនាំកំពូលៗរបស់សមាគមន៏អតីតយុទ្ធជនកម្ពុជាចែកជូនដល់បងប្អូននៃគ្រួសារសពផងដែរ និងមានការសោកស្ដាយជាពន់ពេកដល់យុទ្ធជន យុទ្ធនារី ដែលបានបូជាសាច់ស្រស់ ឈាមស្រស់និងកម្លាំងកាយ កម្លាំងចិត្តដើម្បីចូលរួមបំរើជាតិមាតុភូមិអោយបានរីកចម្រើនមានការអភិវឌ្ឈន៏នាពេលនេះ៕
