ដោយ៖ សេងពិសិដ្ឋ
ព្រះវិហារ៖ នារសៀលថ្ងៃ ទី៣០ ខែ មិថុនា ឆ្នាំ២០២៤ ឯកឧត្តម ឧត្តមសេនីយ៍ទោ ច័ន្ទ សុភ័ក្រ្តា មេបញ្ជាការ តំបន់ប្រតិបត្តិការសឹករងព្រះវិហារ បានអញ្ជើញដឹកនាំ មេបញ្ជាការ មេបញ្ជាការរង នាយទាហាន នាយទាហានរង និងពលទាហានតំបន់ប្រតិបត្តិការសឹករងព្រះវិហារ ចំណុះយោធភូមិភាគទី៤កងទ័ពជើងគោក ចូលរួមគោរពវិញ្ញាណខ័ណ្ឌ និងបំពាក់ឋានន្តរសក្តិ ថ្នាក់វរសេនីយ៍ទោ ជាកិច្ចបច្ចាមរណៈជូនសពលោកវរសេនីយ៍ត្រី សួន ចាប នាយរងការិយាល័យយោធាតំបន់ តំបន់ប្រតិបត្តិការសឹករងព្រះវិហារ ដែលបានទទួលមរណ:ភាពដោយជម្ងឺគាំងបេះដូង នៅវេលាម៉ោង ១:៥៥ នាទី យប់ថ្ងៃទី២៩ ខែមិថុនា ឆ្នាំ២០២៤ នៅភូមិជាំក្សាន្ត ឃុំជាំក្សាន្ត ស្រុកជាំក្សាន្ដ ខេត្តព្រះវិហារ។
ក្នុងឱកាសដ៏ក្រៀមក្រំបំផុតនេះ ឯកឧត្ដម មេបញ្ជាការព្រមទាំង នាយទាហាន នាយទាហានរង ពលទាហានទាំងអស់បានអុជធូបបួងសួង ឧទ្ទិសកុសលសូមឲ្យវិញ្ញាណក្ខន្ធលោកសួន ចាប សូមបានទៅកាន់សុគិភព កំបីឃ្លៀងឃ្លាតឡើយ និងសូមចូលរួមរំលែកនូវមរណៈទុក្ខយ៉ាងក្រៀមក្រំ ចំពោះគ្រួសារសព ព្រមទាំងសំដែងនូវការសោកស្ដាយជាពន់ពេក ចំពោះការបាត់បង់វីរៈជនដ៏ឆ្នើមមួយរូប និងជា នាយរងការិយាល័យយោធាតំបន់ប្រតិបត្តិការសឹករងព្រះវិហារ ដែលកន្លងមកលោកតែងតែលះបង់ទាំងកម្លាំងកាយចិត្តស្មារតីតស៊ូយ៉ាងមុតមាំក្នុងការខិតខំបំពេញភារកិច្ចបានយ៉ាងល្អនិងបានកសាងស្នាដៃជាច្រើនជូនជាតិមាតុភូមិ។ ក្នុងពិធីដ៏ក្រៀមក្រំនោះដែ ឯកឧត្ដម មេបញ្ជាការ បានប្រគល់ប្រាក់វិភាគទានយោធិនមរណ:ចំនួន ១០,០០០,០០០ រៀល និងថវិការបស់អង្គភាពតំបន់ប្រតិបត្តិការសឹករងព្រះវិហារ ចំនួន ២,០៩៥,០០០ រៀល និងសម្ភារៈរួមមាន៖ មី ០២កេស,ទឹកត្រី ០២យួ,ត្រីខ ០២យួ ,អង្ករ ០២បេ ,សរុបថវិកាទាំងអស់ ចំនួន ១២,០៩៥,០០០ រៀលផងដែរ៕
