ព្រះវិហារ៖ នៅក្នុងឱកាសចូលឆ្នាំថ្មីប្រពៃណីជាតិខ្មែរ ឆ្នាំ២០២៤ សង្ក្រាន្តព្រះវិហារ នៅថ្ងៃទី៤ ដែលជាថ្ងៃបង្ហើយ មានភ្ញៀវទេសចរណ៍ជាតិ និងអន្តរជាតិមកលេងកម្សាន្តក្នុងខេត្តព្រះវិហារសរុប ១៣៥ ២០៨ នាក់។
ប្រធានមន្ទីរទេសចរណ៍ខេត្តព្រះវិហារ លោក គង់ វិបុល បានឲ្យដឹងថា នៅថ្ងៃទី១៦ ខែមេសា ឆ្នាំ២០២៤ ចំនួនភ្ញៀវទេសចរ ក៏ដូចជាបងប្អូនប្រជាពលរដ្ឋ ដែលមកទស្សនានៅតាមកន្លែងកម្សាន្ត និងរមណីយដ្ឋាននានា និងស្នាក់នៅក្នុងខេត្តព្រះវិហារ សរុបមានចំនួន១៣.៥ ២០៨ នាក់ ក្នុងនោះភ្ញៀវជាតិមានចំនួន ១៣.៥ ០៧៩ នាក់ និងភ្ញៀវបរទេសមានចំនួន១២៩ នាក់ នាក់។
លោកប្រធានមន្ទីរទេសចរណ៍ ឲ្យដឹងទៀតថា នៅតាមកន្លែងកម្សាន្ត និងរមណីយដ្ឋាននីមួយៗ មានមានភ្ញៀវទេសចរណ៍មកចូលរួមកម្សាន្តដូចខាងក្រោមមានដូចជា៖រមណីយដ្ឋានប្រាសាទព្រះវិហារ រមណីយដ្ឋានប្រាសាទកោះកេរ្តិ រមណីយដ្ឋានប្រាសាទព្រះខ័ន្ត រមណីយដ្ឋានទឹកធ្លាក់ព្រះនិមិត្ត រមណីយដ្ឋានទឹកធ្លាក់ភ្នំត្បែងមានជ័យ រួមទាំងសង្ក្រាន្តនានាទូទាំងខេត្ត ចំពោះបញ្ហាសន្តិសុខសណ្ដាប់ធ្នាប់ គឺមិនមានអ្វីកើតឡើងគួរឱ្យគាត់សម្គាល់នោះទេ៕
