ព្រះវិហារ៖ នៅព្រឹកថ្ងៃ ទី ១០ ខែមករា ឆ្នាំ ២០២៤ ឯកឧត្តម ឧត្តមសេនីយ៍ទោ ច័ន្ទ សុភ័ក្រ្តា មេបញ្ជាការ តំបន់ ប្រតិបត្តិការ សឹករងព្រះវិហារ និងជាប្រធានសមាគមអតីតយុទ្ធជនកម្ពុជាខេត្តព្រះវិហារ បានដឹកនាំក្រុមការងារ និងអាជ្ញាធរមូលដ្ឋាន ចុះប្រគល់ថវិកាបេឡាមរណ:សង្រ្គោះចំនួន ៤,០០០,០០០រៀល និងលិខិតរំលែកទុក្ខ១ច្បាប់ជូនដល់ក្រុមគ្រួសារសពសមាជិកសមាគមអតីតយុទ្ធជនមួយគ្រួសារ ស្ថិតនៅភូមិរសែនជ័យ ឃុំជាំក្សាន្ដ ស្រុក ជាំក្សាន្ដ ខេត្តព្រះវិហារ សពអតីតយុទ្ធជនឈ្មោះ គឹម សាវុធ ភេទប្រុស អាយុ ៥៥ឆ្នាំ មុខសញ្ញានិវត្តជន បានទទួលមរណៈភាពដោយរោគានាពេលកន្លងមក ។
ក្នុងការប្រគល់ថវិកាបេឡាមរណ:សង្រ្គោះនោះផងដែរ ឯកឧត្តមប្រធានសមាគមអតីតយុទ្ធជនកម្ពុជាខេត្តព្រះវិហារ បានពាំនាំប្រសាសន៍ផ្ដាំផ្ញើរសួសុខទុក ពីសំណាក់ ថ្នាក់ដឹកនាំកំពូលៗរបស់សមាគមអតីតយុទ្ធជនដែលជានិច្ចជាកាលលោកតែងតែយកចិត្តទុកដាក់ទៅលើបងប្អូនអតីតយុទ្ធជន ដែលនាពេលកន្លងមកបងប្អូនបានចូលរួមចំណែកក្នុងការកសាង រំដោះជាតិមាតុភូមិ អោយរួចផុតពីភ្លើងសង្រ្គាម ធ្វើអោយប្រទេសជាតិមានសុខសន្តិភាពពេញលេញ មានការអភិវឌ្ឍន៍ លើគ្រប់វិស័យនាពេលបច្ចុប្បន្ននេះផងដែរ៕
