ព្រះវិហារ÷នៅព្រឹកថ្ងៃទី ០២ ខែមករា ឆ្នាំ២០២៤ ឯកឧត្តម ឧត្តមសេនីយ៍ទោ ច័ន្ទ សុភ័ក្រ្តា មេបញ្ជាការ តំបន់ប្រតិបត្តិការសឹករងព្រះវិហារ និងជាប្រធានសមាគមអតីតយុទ្ធជនកម្ពុជាខេត្តព្រះវិហារ បានដឹកនាំក្រុមការងារសមាគមខេត្ត រួមជាមួយអាជ្ញាធរមូលដ្ឋានស្រុករវៀង បានចុះប្រគល់ថវិកាបេឡាមរណ:សង្រ្គោះចំនួន ៤,០០០,០០០រៀល នឹងសម្ភារៈមួយចំនួន ជូនដល់គ្រួសារសពសមាជិកសមាគមអតីតយុទ្ធជនកម្ពុជា ដែលបានទទួលមរណៈភាពដោយរោគានាកន្លងទៅនេះ សពមានឈ្មោះ ឯក ថន ភេទប្រុស អាយុ ៦០ឆ្នាំ មុខសញ្ញាជនពិកា ស្ថិតនៅភូមិរំដោះ ឃុំរក្សា ស្រុករវៀង ខេត្តព្រះវិហារ ។
ទន្ទឹមនោះដែរ ឯកឧត្តម ប្រធានបានប្រគល់លិខិតមរណៈភាពរបស់សមាគមអតីតយុទ្ធជនកម្ពុជាជូនដល់ក្រុមគ្រួសារសពដើម្បីថែរក្សានិងដំកល់ទុកជាភាស្ដតាងថាឈ្មោះខាងលើជាសមាជិកសមាគមអតីតយុទ្ធជនកម្ពុជា និងបានពាំនាំប្រសាសន៏សួសុខទុកពីសំណាក់ថ្នាក់ដឹកនាំសមាគមអតីតយុទ្ធជន ជាពិសេស សម្ដេច តេជោ ហ៊ុន សែន ប្រធានសមាគមអតីតយុទ្ធជនកម្ពុជា សម្ដេច តែងតែគិតគូពីសុខទុកសមាជិកសមាគមអតីតយុទ្ធជនកម្ពុជា មិនថានៅកន្លែងណាទីណាអោយមានតែទុកលំបាកសមាគមជួយដោះស្រាយជារៀងរហូតផងដែរ៕
