ព្រះវិហារ៖ ឯកឧត្តម ឧត្តមសេនីយ៍ទោ ច័ន្ទ សុភ័ក្រ្តា មេបញ្ជាការ តំបន់ប្រតិបត្តិការសឹករងព្រះវិហារ និងជាប្រធានសមាគមអតីតយុទ្ធជនកម្ពុជាខេត្តព្រះវិហារ បានដឹកនាំក្រុមការងារ និងអាជ្ញាធរមូលដ្ឋាន ចុះប្រគល់ថវិកាបេឡាមរណ:សង្រ្គោះចំនួន ៤,០០០,០០០រៀល(បួនលានរៀល) ជូនដល់គ្រួសារសពសមាជិកសមាគមអតីតយុទ្ធជន ដែលមានឈ្មោះ ជុំ លៀម ភេទប្រុស អាយុ ៦២ ឆ្នាំ ជានិវត្តជន ស្ថិតនៅភូមិស្រឡៅស្រោង ឃុំរក្សា ស្រុករវៀង ខេត្តព្រះវិហារ
ពិធីនេះធ្វើឡើងនៅព្រឹកថ្ងៃសៅរ៍ ៣រោច ខែមិគសិរ ឆ្នាំថោះ បញ្ចាស័ក ពុទ្ធសករាជ ២៥៦៧ ត្រូវនិងថ្ងៃទី ៣០ ខែធ្នូ ឆ្នាំ២០២៣នេះ។
ក្នុងការប្រគល់ថវិកាបេឡាមរណ:សង្រ្គោះចំនួន ៤,០០០,០០០រៀលនោះផងដែរ ឯកឧត្តមប្រធានសមាគមអតីតយុទ្ធជនកម្ពុជាខេត្តព្រះវិហារ បានពាំនាំប្រសាសន៍ផ្ដាំផ្ញើរសួសុខទុក ពីសំណាក់ ថ្នាក់ដឹកនាំកំពូលៗរបស់សមាគមអតីតយុទ្ធជនដែលជានិច្ចជាកាលលោកតែងតែយកចិត្តទុកដាក់ទៅលើបងប្អូនអតីតយុទ្ធជន ដែលកន្លងមកបងប្អូនចូលរួមចំណែកក្នុងការកសាង រំដោះជាតិមាតុភូមិ អោយរួចផុតពីភ្លើងសង្រ្គាម មានសុខសន្តិភាព មានការអភិវឌ្ឍន៍ លើគ្រប់វិស័យនាពេលបច្ចុប្បន្ននេះផងដែរ៕
