ព្រះវិហារ៖ នៅព្រឹកថ្ងៃទី ០២ ខែវិច្ឆិកា ឆ្នាំ២០២៣ នៅទីបញ្ជាការតំបន់ប្រតិបត្តិការសឹករងព្រះវិហារ បានរៀបចំពិធីក្រុងពាលី សុំសេចក្តីសុខសប្បាយ និងជ័យជម្នះដល់ទូក”ង”ឈ្មោះ( តំបន់សឹកសែនជ័យ បារមីលោកតាឌី) និងម្ចាស់ទឹកម្ចាស់ដីដែលថែរក្សានៅក្នុងទឹកដីខេត្ដព្រះវិហារទាំងអស់ ប្រោះព្រំដល់ក្រុមកីឡាករទូក”ង”ទាំងអស់ ដែលនិងចូលរួមប្រកួតនាថ្ងៃទី ១៨.១៩ ខែវិច្ឆិកា ឆ្នាំ២០២៣ នាពេលខាងមុខនៅបឹងទំនប់៩៥ ស្ថិតនៅភូមិទំនប់ សង្កាត់ប៉ាលហាល ក្រុងព្រះវិហារ។
ពិធីក្រុងពាលីនេះ ធ្វើឡើងក្រោមអធិបតីភាព ឯកឧត្ដម ឧត្ដមសេនីយ៍ទោ ច័ន្ទ សុភ័ក្ដ្រា មេបញ្ជាការ តំបន់ប្រតិបត្តិការសឹករងព្រះវិហារ ព្រមទាំងអញ្ជើញចូលរួមលោកមេបញ្ជាការរង នាយទាហាន នាយទាហានរង និងពលទាហានចំណុះទីបញ្ជាការតំបន់ប្រតិបត្តិការសឹករងព្រះវិហារជាច្រើនរូបផងដែ ។
ឧត្ដមសេនីយ៏ទោ មេបញ្ជាការ បានផ្ដល់កម្លាំងចិត្តនិងជម្រុញណែនាំដល់កីឡាករទូក ងរទាំងអស់ពេលដែលត្រូវប្រកួតសូមសហការគ្នាបានល្អ រក្សាសាមគ្គីភាពបានខ្ពស់ផ្ដល់សេចក្ដីស្រឡាញ់ស្នាមញញឹមដើម្បីអោយក្រុមកីឡាកររបស់យើងដែលប្រសូត្រចេញពីកងយោធពលខេមរភូមិន្ទ មិនមែនជាកីឡាករដែលយើងយកមកពីណានោះទេគឺកម្លាំងតំបន់ប្រតិបត្តិការរងទាំងមូលតែម្ដង៕
