ព្រះវិហារ៖ នៅព្រឹកថ្ងៃទី០៦ ខែមិថុនា ឆ្នាំ២០២៣នេះ នៅច្រកអានសេះ ស្ថិតនៅភូមិអានសេះ ឃុំជាំក្សាន្ត ស្រុកជាំក្សាន្ត ខេត្តព្រះវិហារ ត្រូវបានសមត្ថកិច្ចថៃហាមប្រាមអាជីវករខ្មែរនិងបិទច្រកមិនអោយអាជីវករខ្មែរ នាំយកផ្សិតប៉ក់ចូលទៅលក់នៅផ្សារបស់គេ។
ភ្លាមៗនោះដែរខាងកម្ពុជាមានការគាស់ហៅប្រជុំរកដំណោះស្រាយ រវៀងភាគីថៃ និងកម្ពុជាដើម្បីរកផលប៉ះពាល់នៃការហាមប្រាមនិងបិទច្រក។
ខណៈពេលនោះដែរ ភាគីទាំងពីបានប្រជុំពិភាក្សាខាងកម្ពុជាមានចំនួន៨នាក់ដឹកនាំដោយលោក ចិន ខន្តី ប្រធានស្នាក់ការច្រកអានសេះ និងជាអភិបាលរងស្រុកជាំក្សាន្តភាគីខាងថៃមានចំនួន៥នាក់ដឹកនាំដោយលោក អាក់ ថាក់ផុន ស៊ីអិន អភិបាលរងស្រុកណាំយឺន ទទួលបន្ទុកសន្តិសុខព្រំដែន។
ក្នុងការប្រជុំពិភាក្សារវៀងភាគីទាំងពីកម្ពុជា ថៃ ខាងកម្ពុជាបានសំណូមពរអោយភាគីថៃ រាល់ការប្រែប្រួលបន្ថែមកម្លាំងចំនាញមកប្រចាំការ សូមផ្ដល់ដំណឹងមកស្នាក់ការខាងកម្ពុជាផង
ថៃ បានឆ្លើយតបថា មិនមានការបន្ថែមកម្លាំងជំនាញនោះទេកម្លាំងគយមានស្រាប់តែកន្លងមកមិនទាន់មកប្រចាំការ ហើយក៏កម្ពុជាបានសំណូមពរអោយភាគីថៃ កុំរិតបន្តឹងលើទំនិញរបស់កម្ពុជាខ្លាំងពេក ជាពិសេសផ្សិតប៉ក់ រីឯទំនិញខាងលោកកម្ពុជាបានទិញមកច្រើនមុខណាស់ ក្នុងនោះភាគីថៃបានឯកភាពក្នុងការសម្របសម្រួលនាំចូលផ្សិតប៉ក់តាមច្រកនេះ តែឆ្នាំក្រោយសូមអោយកម្ពុជាធ្វើលិខិតអនុញ្ញាតិច្បាប់ជាមុនសិនទើបត្រឹមត្រូវ។
ក្រោយពីបានប្រជុំឯកភាពគ្នារួចមក ច្រកអានសេះបើកដំណើរការជាធម្មតាវិញទេ៕
