ព្រះវិហារ៖ នៅព្រឹកថ្ងៃទី២២ ខែឧសភា ឆ្នាំ២០២៣នេះ នៅទីបញ្ជាការតំបន់ប្រតិបត្តិការសឹករងព្រះវិហារ បានរៀបចំកិច្ចប្រជុំ បូកសរុបលទ្ធផលការងារយោធាប្រចាំ ខែមេសា ឆ្នាំ២០២៣ និងដាក់ចេញទិសដៅការងារយោធាប្រចាំ ខែឧសភា ឆ្នាំ២០២៣។
កិច្ចប្រជុំនេះធ្វើឡើង ក្រោមអធិបតីភាព ឯកឧត្តម ឧត្តមសេនីយ៍ទោ ច័ន្ទ សុភ័ក្ដ្រា មេបញ្ជាការ តំបន់ប្រតិបត្តិការសឹករងព្រះវិហារ និងមានការអញ្ជើញចូលរួមពីសំណាក់ លោកមេបញ្ជាការរង លោកនាយរងសេនាធិការ មេបញ្ជាការវរសេនាតូចទាំង២ មេបញ្ជាការកងអនុសេនាធំ មេបញ្ជាការ មេបញ្ជាការរង ក្រុង-ស្រុក នាយការិយាល័យ ផ្នែក អង្គភាពចំណុះទីបញ្ជាការតំបន់ប្រតិបត្តិការសឹករងព្រះវិហារទាំងមូលផងដែរ ។
នៅក្នុងកិច្ចប្រជុំនោះដែរ ឯកឧត្ដម មេបញ្ជាការ បានដាក់ចេញនូវផែនការមួយចំនួនដើម្បីអនុវត្តបន្ដ និងបានផ្ដាំផ្ញើដល់កម្លាំងតាមបណ្ដាលអង្គភាព ក្រុង-ស្រុក និងតាមទឹសខ្សែបន្ទាត់ព្រំដែន កម្ពុជា-ថៃ-ឡាវ ត្រូវយកចិត្តទុកដាក់ការពារបូរណភាពទឹកដី និងការងារទំនាក់ទំនងអោយបានល្អ ទប់ស្កាត់រាល់បទល្មើសផ្សេងៗ ពិសេសបញ្ហាគ្រឿងញៀន និងដាក់ចេញផែនការមួយចំនួន សម្រាប់ការងារអតីតយុទ្ធជន គ្រប់អង្គភាពត្រូវបន្តយកចិត្តទុកដាក់ ហ្វឹកហ្វឺនតាមបណ្តាលកងឯកភាពនូវយុទ្ធវិធី ជំនាញជាក់ស្តែង ការងារអប់រំចិត្តសាស្ត្រ សតិអារម្មណ៍ ការងារបំផុសចលនាប្រឡងប្រណាំងទៅតាមបណ្តាអង្គភាព សាមគ្គីភាពផ្ទៃក្នុងអង្គភាពអោយបានល្អ និងមិនអោយមានការប្រើប្រាស់គ្រឿងញៀនជាដាច់ខាតនៅក្នុងអង្គភាព បើសិនដឹងបុគ្គលណាប្រព្រិត្តត្រូវមានវិធានការបណ្ដេញចេញពីអង្គភាពនិងបន្តនិតិវិធីទៅតាមផ្លូវច្បាប់ផងដែរ៕
