ព្រះវិហារ៖ នៅថ្ងៃទី១០ ខែឧសភា ឆ្នាំ២០២៣កន្លងទៅ អនុគណៈកម្មការទប់ស្កាត់ និងបង្ក្រាបបទល្មើសធនធានធម្មជាតិខេត្តព្រះវិហារ សហការជាមួយកម្លាំងកងរាជអាវុធហត្ថស្រុកឆែប កម្លាំងផ្នែកសឹករងឆែប និងមន្ត្រីឧទ្យានុរក្ស ដែនជម្រកសត្វព្រៃព្រះរកា-ឆែប បានចុះបង្រ្កាបបទល្មើសធនធានធម្មជាតិ បទល្មើសព្រៃឈើ និងចុះពិនិត្យទីតាំងស្តុកសន្និធិឈើអារ ចំនួន ០២កន្លែង ដែលគ្មានលិខិតអនុញ្ញាត។
ក្នុងប្រតិបត្តិការនោះដែរ សមត្ថកិច្ចចម្រុះដោយបានធ្វើការដកហូតឈើអារប្រភេទលេខ១ (ផ្ចឹក,គគី) និងប្រភេទលេខ២ (ខ្លុង,ត្បែង) ជាច្រើន សន្លឹក/និងដុំផងដែរ និងធ្វើការស្រាវជ្រៀវរកប្រភពនិងម្ចាស់ទីទាំងដែលបានស្តុកសន្និធិឈើគ្មានលិខិតអនុញ្ញាត។
បច្ចុប្បន្ន វត្ថុតាងឈើអារទាំងនោះ អនុគណៈកម្មការបានបញ្ជូនទៅរក្សាទុកនៅស្នាក់ការបរិស្ថាន អូរកាប៉ុក ដើម្បីចាត់ការបន្តទៅតាមនីតិវិធីច្បាប់៕
