ខេត្តស្វាយរៀង៖មានចោរមួយក្រុមបានធ្វើសកម្មភាពលួចគោទាំងកណ្តាលថ្ងៃយកទៅប្រលះសាច់យកទៅបាត់នៅសល់តែគ្រោងឆ្អឹងនិងគ្រឿងក្នុងកណ្តាលវាលស្រែបង្កឲ្យមានការភ្ញាក់ផ្អើលយ៉ាងខ្លាំង។ករណីចោរលួចគោយកទៅប្រលះសាច់នេះកើតឡើងនៅវេលាម៉ោង៧និង០០នាទីព្រឹកថ្ងៃទី ២៤ខែកុម្ភៈឆ្នាំ២០២៣ នៅចំណុចកណ្តាលវាលស្រែស្ថិតនៅភូមិត្រោកឃុំឈើទាលស្រុកស្វាយជ្រំខេត្តស្វាយរៀង។
បើតាមសមត្ថកិច្ចបានឲ្យដឹងថា មុនកើតហេតុ ម្ចាស់គោ ឈ្មោះរ៉ន វី អាយុ ៤៥ឆ្នាំរស់នៅភូមិ កើតហេតុខាលើ បានយកសត្វគោ១ក្បាល ទៅចងឲ្យស៊ីស្មៅ នៅវាលស្រែចំណុច ព្រៃចំបក់ ឆ្ងាយពីផ្ទះអ្នកស្រុកចម្ងាយប្រមាណជាង៣០០ម៉ែត្រលុះវេលាម៉ោងប្រមាណជា៩ព្រឹកអ្នកភូមិទៅឃ្វាលគោ បានប្រទះឃើញ សពគោមួយក្បាលត្រូវគេប្រលះយកសាច់ភ្លៅ មុខភ្លៅក្រោយនិងសាច់ សល់តែគ្រោងឆ្អឹងនិងគ្រឿងក្នុង ក៏ទៅរាយការណ៍ជូនសមត្ថកិច្ចឲ្យជួយអន្តរាគមន៍ ក៏ប៉ុន្តែពេលសមត្ថកិច្ចទៅដល់កន្លែងកើតហេតុក្រុមចោរបានយកសាច់គោ គេចខ្លួនបាត់ទៅហើយ។មហាជនបានលើកឡើងថាកន្លងមកគឺចោរលួចគោ ទាំងរស់ដឹកទៅបាត់ម្តងនេះ គឺ លួចប្រលះយកសាច់ទាំងព្រឹកតែម្តង។
សមត្ថកិច្ចបានអំពាវនាវដល់ប្រជាពលរដ្ឋដែលចិញ្ចឹមគោ ក្របីទាំអស់សូមប្រុងប្រយត្ន័ កុំចងគោ ក្របីចោលឆ្ងាយពីផ្ទះ ត្រូវឃ្វាល ជៀសវាង ក្រុមចោរលួចគៀងនិងប្រលះសាច់បែបនេះសូមប្រយ័ត្នផង។ទោសបីយ៉ាងណាសមត្ថកិច្ចកំពុងធ្វើការស្រាវជ្រាវដើម្បីយកមកផ្តន្ទាទោសឲ្យខាងតែបាន៕
