ព្រះវិហារ÷ នៅព្រឹក ថ្ងៃទី២៩ខែវិច្ចិកាឆ្នាំ២០២២នេះ លោក ហាយ សឿន ប្រធានអនុសាខាសមាគមសិស្សនិស្សិតបញ្ញវន្តក្មេងវត្តស្រុកត្បែងមានជ័យ បានដឹកនាំសមាជិក សមាជិកា រៀបចំកម្មវិធីចែកប័ណ្ណសសើរដល់សិស្សានុសិស្ស និងសំណេះសំណាលជាមួយលោកគ្រូ អ្នកគ្រូ មាតាបីតាសិស្ស នៅសាលាបឋមសិក្សាហ្មសែតស្ថិតនៅភូមិ ហ្មសែត សង្កាត់ប៉ាលហាល ក្រុងព្រះវិហារ ខេត្តព្រះវិហារ។
ក្នុងនោះដែរមានការអញ្ញើញចូលរួម ពីលោក រ័ត្ន តារាមន្នីឬទ្ធិ អនុប្រធានសាខា តំណាងលោក វេជ្ជបណ្ឌិត ឯកទេស នុតសុធា ប្រធានសាខាសមាគមខេត្ត លោក ចេន រ៉ា អនុប្រធានសាខាចុះជួយស្រុកត្បែងមានជ័យ លោក សេង ពិសិដ្ឋ ប្រធានប្រតិកម្មរហ័ស សាខាសមាគមសិស្សនិស្សិតបញ្ញវន្តក្មេងវត្តខេត្តព្រះវិហារ កញ្ញា អៀវ វុទ្ធី អនុប្រធានការិយាល័យអប់រំក្រុងព្រះវិហារ លោកស្រី ធី ណេង តំណាងចៅសង្កាត់ប៉ាលហាល លោក វ៉ី រ៉ាវិទ្ធ តំណាងភូមិហ្មសែត លោក ឆន ឈាង តំណាងភូមិអូរខ្លែងព័រ លោក អ៊ិន ឌីម ប្រធានគណគ្រប់គ្រងសាលា
នាឱកាសនោះដែរ លោក រ័ត្ន តារាមន្នីឬទ្ធិ អនុប្រធាន សាខាសមាគមសិស្សនិស្សិតបញ្ញវន្ត ក្មេងវត្តខេត្តព្រះវិហារ បានពាំនាំប្រសាសន៍សួសុខទុកពីថ្នាក់ដឹកនាំសមាគម ឯកឧត្តម ហ៊ុនម៉ានិត គណៈអចិន្ត្រៃសមាគមបញ្ញវន្តក្មេងវត្ត ឯកឧត្តម ម៉ិញ បានកុសល ប្រធានសមាគមបញ្ញវន្តក្មេងវត្ត និងលោកវេជ្ជបណ្ឌិតឯកទេស នុត សុធាប្រធានសាខាសមាគមបញ្ញវន្តក្មេងវត្តខេត្តព្រះវិហារ ចែកជូនដល់លោកគ្រូអ្នកគ្រូចំនួន១៩នាក់និងសិស្សានុសិស្សចំនួន៤២៧នាក់ ផងដែរ។
ហើយបានចែករង្វាន់លើកទឹកចិត្តសិស្សរៀនពូកែ៧០នាក់ម្នាក់ៗទទួលបានដូចជាសៀវភៅ ប៊ិច ខ្មៅដៃនិងជ័រលុបចំណាយថវិកាអស់១.៣០០.០០០៛(មួយលានបីរយពាន់រៀលគត់)៕
