កណ្តាល ៖ នគរបាលស្រុកអង្គស្នួល នាថ្ងៃទី១៧វិច្ឆិកា បានឃាត់ជនសង្ស័យ៣នាក់ពីបទ«ឆក់កាបូប» នៅចំណុចផ្លូវជាតិលេខ៤ មុខទីក្រុងចិនសាមានា ស្ថិតនៅភូមិព្រៃរកា ឃុំឆក់ឈើនាង ស្រុកអង្គស្នួល ខេត្តកណ្តាល កាលពីថ្ងៃទី១៥ ខែវិច្ឆិកា ឆ្នាំ២០២២ វេលាម៉ោង០៩និង០៥នាទី ។នគរបាលនិយាយថា ជនរងគ្រោះ០២ នាក់រួមមាន ១-ឈ្មោះ ស៊ូ ចាន់នី ភេទស្រី អាយុ២៣ឆ្នាំ ជនជាតិខ្មែរ មុខរបរមេផ្ទះ នៅភូមិព្រៃរកា ឃុំឆក់ឈើនាង ស្រុកអង្គស្នួល ខេត្តកណ្តាល (គ្មានរបួស) កើតហេតុថ្ងៃទី១៥វិច្ឆិកាឆ្នាំ២០២២ បាត់ទូរសព្ទដៃមួយគ្រឿងម៉ាកoppo, ប្រាក់រៀលចំនួន ៣០ម៉ឺនរៀល និងឯកសារផ្សេងៗមួយចំនួនទៀត និង ២-ឈ្មោះ ឆេង គឹមលី ភេទស្រី អាយុ៣០ឆ្នាំ ជនជាតិខ្មែរ មុខរបរលក់ដូរ នៅភូមិជើងអក ឃុំលំហាច ស្រុកអង្គស្នួល ខេត្តកណ្តាល (គ្មានរបួស) កើតហេតុថ្ងៃទី១៣វិច្ឆិកាឆ្នាំ២០២២ បានទទួលពាក្យបណ្ដឹងថ្ងៃទី១៧វិច្ឆិកាឆ្នាំ២០២២បាត់បង់ប្រាក់រៀលចំនួន មួយលានរៀល និងឯកសារផ្សេងៗពាក់ព័ន្ធមួយចំនួនទៀត។ ចំណែកជនសង្ស័យ០៧ នាក់,ឃាត់ខ្លួន០៣នាក់កាលពីថ្ងៃទី១៧វិច្ឆិកាឆ្នាំ២០២២រួមមាន
១-ឈ្មោះ សុខ ឌី ហៅជា ភេទប្រុស អាយុ២១ឆ្នាំ ជនជាតិខ្មែរ មុខរបរមិនពិតប្រាកដ មានទីលំនៅស្នាក់នៅ សង្កាត់ទន្លេបាសាក់ ខណ្ឌចំការមន ជាអ្នកបើកម៉ូតូស្កុបពី (ឃាត់ខ្លួន) ,២-ឈ្មោះ ជា សុវណ្ណ ហៅណា ភេទប្រុស អាយុ១៧ឆ្នាំ ជនជាតិខ្មែរ មុខរបរមិនពិតប្រាកដ មានទីលំនៅស្នាក់នៅភូមិទួលសង្កែ សង្កាត់ទួលសង្កែ ខណ្ឌឬស្សីកែវ ជាអ្នកជិះពីក្រោយធ្វើសកម្មភាពឆក់ (ឃាត់ខ្លួន) និង៣-ឈ្មោះ ប្រាក់ វុត្ថារិទ្ធ ហៅប៉ែត ភេទប្រុស អាយុ២២ឆ្នាំ ជនជាតិខ្មែរ មុខរបរមិនពិតប្រាកដ មានទីលំនៅស្នាក់នៅ សង្កាត់ក្រាំងធ្នង់ ខណ្ឌសែនសុខ ជាអ្កបើកម៉ូតូម៉ានិច បិទគូថពីក្រោយ (ឃាត់ខ្លួន) ។ឯជនសង្ស័យ៤នាក់គេចខ្លួនរួមមាន ១-ឈ្មោះ ឆដា ភេទប្រុស អាយុប្រហែល២០ឆ្នាំ មុខរបរមិនពិត ស្នាក់នៅបុរីវ៉ាធីណា សង្កាត់ក្រាំងធ្នង់ ខណ្ឌសែនសុខ(ម្ចាស់ម៉ូតូនិចពណ៌ទឹកប្រាក់ ឆ្នាំ២០២២) ,២-ឈ្មោះ ឈីត ភេទប្រុស អាយុប្រហែល២៣ឆ្នាំ មុខរបរមិនពិត ស្នាក់នៅផ្ទះជួលភូមិព្រៃខ្លា សង្កាត់ក្រាំងធ្នង់ ខណ្ឌសែនសុខ , ៣-ឈ្មោះ ហាប់ ភេទប្រុស អាយុប្រហែល២២ឆ្នាំ មុខរបរមិនពិត ស្នាក់នៅផ្ទះជួលភូមិព្រៃខ្លា សង្កាត់ក្រាំងធ្នង់ ខណ្ឌសែនសុខ ជាម្ចាស់ម៉ូតូម៉ាកហុងដា សេ១២៥ ឆ្នាំ២០២២និង៤-ឈ្មោះ រាជ ភេទប្រុស អាយុប្រហែល២៤ឆ្នាំ មុខរបរមិនពិត ស្នាក់នៅម្ដុំរង្វង់មូលកាមកូស៊ីតធី ខណ្ឌទួលគោក ។ វត្ថុតាងចាប់យក ម៉ូតូ០៣គ្រឿង ១-ម៉ាកស្កុបពី ពណ៌ស ឆ្នាំ២០២៣ និងទូរសព្ទដៃមួយគ្រឿងម៉ាក oppo ពណ៌ប្រផេះ,២-ម៉ាកនិច ឆ្នាំ២០២១ ពណ៌ស ពាក់ស្លាកលេខ ភ្នំពេញ 1JS-9175 និង៣-ម៉ាកនិច ឆ្នាំ២០២២ ពណ៌ស+ខៀវ គ្មានស្លាកលេខ ។
នគរបាលបន្តថា បន្ទាប់ពីទទួលពាក្យបណ្តឹងកម្លាំងផ្នែកជំនាញ និងប៉ុស្ដិ៍ បានចេញល្បាតតាមបណ្ដោយផ្លូវជាតិលេខ៤ ឃើញជនសង្ស័យកំពុងជិះម៉ូតូដោយមានសកម្មភាពមើលមុខមើលក្រោយ ដោយសមត្ថកិច្ចមានការសង្ស័យ ក៏ហៅជនសង្ស័យទាំងបីនាក់ទៅអធិការដ្ឋាននគរបាលស្រុកដេីម្បីសួនាំបន្តតាមនីតិវិធី នាថ្ងៃទី១៧ ខែវិច្ឆិកា ឆ្នាំ២០២២។
ក្រោយការសាកសួនាំរួចហើយជនសង្ស័យឈ្មោះ ប្រាក់ វុត្ថារិទ្ធ ហៅប៉ែត ឈ្មោះ ជា សុវណ្ណ ហៅណា ឈ្មោះ សុខ ឌី ហៅជា បានឆ្លើយសារភាពថា«ខ្លួននិងបក្ខពួកពិតជាបានធ្វើសកម្មភាពឆក់យកកាបូបជនរងគ្រោះទាំង២នាក់ខាងលេី ប្រាកដមែន។ ចំពោះប្រាក់និងសម្ភារៈដែលធ្វើសកម្មភាពបាន ខ្លួននិងបក្ខពួកបានចែកគ្នាចាយនិងលក់អស់ហើយ។ ចំណែកបក្ខពួកដែលគេចខ្លួនមានឈ្មោះ ឆដា ឈ្មោះ ហាប់ ឈ្មោះ ឈីត ឈ្មោះ រាជ ជិះម៉ូតូម៉ាកសងC125 ពណ៌ខ្មៅ ឆ្នាំ២០២២ ផ្លាកលេខ ភ្នំពេញ ៧៨៩០ និងម៉ូតូម៉ាកនិចពណ៌ទឹកប្រាក់ ឆ្នាំ២០២២ មិនចាំផ្លាកលេខ»។ ចំពោះជនសង្ស័យទាំង៣នាក់ និងបក្ខពួក ធ្លាប់ធ្វេីសកម្មភាពឆក់ នៅស្រុកអង្គស្នួល ៣លេីក នៅផ្លូវ៤១ ខេត្តកំពង់ស្ពឺ ១លេីក នៅរាជធានីភ្នំពេញ ជាច្រេីនលេីក៕
