កំពង់ចាម:សមត្ថកិច្ចចុះបង្ក្រាបអ្នកញៀនល្បែងសុីសងខុសច្បាប់ (ជល់មាន់ភ្នាល់ដាក់ប្រាក់) ផ្គើននឹងយុទ្ធនាការបង្ក្រាបរបស់រាជរដ្ឋាភិបាល នៅស្រុកជើងព្រៃ ខេត្តកំពង់ចាម ។
កិច្ចប្រត្តិបត្តការបង្ក្រាបនេះ បន្ទាប់ពីទទួល បានបណ្តឹងពីប្រជាពលរដ្ឋភ្លាម លោកឧត្តមសេនីយ៍ទោ ឯម កុសល ស្នងការនគរបាលខេត្តកំពង់ចាម បានបញ្ជាដល់កម្លាំងជំនាញរបស់ផែនការងារនគរបាលព្រហ្មទណ្ឌ សហការជាមួយ កម្លាំងជំនាញរបស់អធិការដ្ឋាននគរបាលស្រុកជេីងព្រៃ និងអាជ្ញាធរមូលដ្ឋាន ដោយក្នុងកិច្ចប្រតិបត្តិការក្រោមការដឹកនាំសម្របសម្រួលផ្ទាល់ពី លោក សុធា ពិសិដ្ឋ ព្រះរាជអាជ្ញារង នៃអយ្យការអមសាលាដំបូងខេត្តកំពង់ចាម ចុះបង្ក្រាបករណី លួចលេងល្បែងសុីសងខុសច្បាប់ (ជល់មាន់ភ្នាល់ដាក់ប្រាក់) នៅចំណុចក្រោមដេីមស្វាយ ស្ថិតក្នុងភូមិសណ្ដែក ឃុំសំពងជ័ង ស្រុកជេីងព្រៃ ខេត្តកំពង់ចាម នៅវេលាម៉ោង ១១ និង ០០នាទី ថ្ងៃទី ១៥ ខែតុលា ឆ្នាំ ២០២២ ។
លោក សុធា ពិសិដ្ឋ ព្រះរាជអាជ្ញារង នៃអយ្យការអមសាលាដំបូងខេត្តកំពង់ចាម បានមានប្រសាសន៍អោយដឹងថា ក្រោមការណែនាំចង្អុលបង្ហាញពីសំណាក់ ឯកឧត្តម អ៊ុន ចាន់ដា អភិបាលនៃគណៈអភិបាលខេត្ត និង ឯកឧត្តម វង្ស ប៊ុនវិសុទ្ធ ព្រះរាជអាជ្ញា នៃអយ្យការអមសាលាដំបូងខេត្ត ត្រូវលុបបំបាត់រាល់បទល្មើសល្បែងសុីសងខុសច្បាប់គ្រប់ប្រភេទ លោកក៏បានស្រាវជ្រាវបើកប្រតិបត្តការបង្រ្កាបបទល្មើសខាងលើនេះ បានជោគជ័យ ហើយ និងអនុវត្តកិច្ចការនេះ ឥតឈប់ឈរតាមបែបភ្លៀងរលឹមបន្ត ។
ជាលទ្ធផលយើងបង្រ្កាបចាប់ឃាត់ខ្លួនបានមុខសញ្ញាកនរុមញៀនល្បែងបានចំនួន ៣ ននាក់គឺ
១-ឈ្មោះ ញិល ថេត ភេទប្រុស អាយុ ៣៤ ឆ្នាំ ជាតិខ្មែរ នៅភូមិសំពងជ័យ ឃុំសំពងជ័យ ស្រុកជេីងព្រៃ ខេត្តកំពង់ចាម ២-ឈ្មោះ វ៉ន វឿន ភេទប្រុស អាយុ ៦១ ឆ្នាំ ជាតិខ្មែរ នៅភូមិសណ្ដែក ឃុំសំពងជ័យ ស្រុកជេីងព្រៃ ខខេត្តកំពង់ចាម ៣-ឈ្មោះ ម៉ុន ភ័ណ្ឌ ភេទប្រុស អាយុ ៣៥ ឆ្នាំ ជាតិខ្មែរ នៅភូមិដូនតោ ឃុំសំពងជ័យ ស្រុកជេីងព្រៃ ខេត្តកំពង់ចាម និនិងដកហូតវត្ថុតាងរួមមាន ប្រាក់រៀលចំនួន ៩៨.០០០ រៀល (ប្រាំបួនម៉ឺនប្រាំបីពាន់រៀល) ទូរស័ព្ទដៃចំនួន ២ គ្រឿង ស្កុតរំជើងមាន់ចំនួន ៦ គូរ ម៉ូតូចំនួន ១ គ្រឿង(ប្រគល់ឲ្យប៉ុស្តិ៍នគរបាលរដ្ឋបាលសំពងជ័យរក្សាទុក) ។
បច្ចុប្បន្នជនញៀនល្បែងទាំង ៣ នាក់ រួមនឹងវត្ថុតាងខាងលើ ត្រូវបានបញ្ជូនមកកាន់ស្នងការដ្ឋាននគរបាលខេត្តកំពង់ចាម ដើម្បីចងក្រងសំណុំរឿងតាមនីតិវិធី តាមបទបញ្ជាលោក សុធា ពិសិដ្ឋ ព្រះរាជអាជ្ញារង នៃអយ្យការអមសាលាដំបូងខេត្តកំពង់ចាម ៕
