ដោយ៖ សាយ ហ្គន
ស្វាយរៀង៖ឯកឧត្តម ម៉ែន វិបុល អភិបាលខេត្តស្វាយរៀង អមដំណើរដោយលោកប្រធានមន្ទីរសុខាភិបាល លោកប្រធានមន្ទីរសាធារណការ និងដឹកជញ្ជូនខេត្ត លោកអភិបាលស្រុក លោកអភិបាលក្រុង លោកនាយក លោកគ្រូ អ្នកគ្រូ និងមន្ត្រីពាក់ព័ន្ធមួយចំនួនទៀត នាព្រឹកថ្ងៃទី២៧ ខែកញ្ញា ឆ្នាំ ២០២១ នេះ បាន អញ្ជើញចុះពិនិត្យដំណើរការ ចូលរៀនឡេីងវិញ របស់សិស្សានុសិស្សនៅវិទ្យាល័យ ហ៊ុន សែន ស្វាយជ្រំ ស្រុកស្វាយជ្រំ និងវិទ្យាល័យហ៊ុន សែន ចេក ក្រុងស្វាយរៀង ។
ក្នុងឱកាសនោះ ឯកឧត្តម ម៉ែន វិបុល អភិបាលខេត្តបានណែនាំដល់ លោកគ្រូ អ្នកគ្រូ និងសិស្សានុសិស្សទាំងអស់ឲ្យ មានការយកចិត្តទុកដាក់ខ្ពស់អំពី បញ្ហាសុខភាពគឺ ត្រូវអនុវត្តឲ្យបានខ្ជាប់ខ្ជួន នូវវិធានការ “៣ការពារ ៣ កុំ” ជាពិសេសត្រូវចេះការពារខ្លួនឯងរៀងៗខ្លួនពីជំងឺកូវីដ១៩។ ក្នុងករណីបេីមានអាការះ មិនស្រួល ឬមានរោគសញ្ញាសង្ស័យ ត្រូវ ប្រញាប់រាយការណ៍ទៅឲ្យលោកគ្រូ អ្នកគ្រូ ដើម្បីរៀបចំយកសំណាកធ្វើតេស្តរកមេរោគកូវីដ- ១៩ និងធ្វេីការ ព្យាបាលឲ្យបានទាន់ពេលវេលា ដេីម្បីទប់ស្កាត់កុំឲ្យឆ្លងរាលរីកដាលទៅអ្នកដទៃទៀត ។
គួររំលឹកថា រដ្ឋបាលខេត្តស្វាយរៀង បានសិក្សានិងវាយតម្លៃពីកម្រិតហានិភ័យដែលអាចរៀបចំបើកសាលាឲ្យសិស្សានុសិស្ស ចូលរៀនឡេីងវិញបាន ចាប់ពីថ្ងៃទី២៧ ខែកញ្ញា ឆ្នាំ២០២១នេះ ក្នុងចំណោម៦៥សាលាក្នុងភូមិសាស្ត្រខេត្តស្វាយរៀង ត្រូវបានបេីដំណេីការចំនួន៦១សាលា មានអនុវិទ្យាល័យ ៤៨សាលា និងវិទ្យាល័យ ១៣សាលា រួមមាន៖
+ក្រុងស្វាយរៀង ៖ ២សាលា
– អនុវិទ្យាល័យ ១សាលា បើកថ្នាក់ទី ៩
– វិទ្យាល័យ១ សាលា បើកថ្នាក់ទី ៩និង១២
+ក្រុងបាវិត៖ សរុប ៤សាលា
– អនុវិទ្យាល័យ២សាលា បើកថ្នាក់ទី ៩
– វិទ្យាល័យ២សាលា បើកថ្នាក់ទី ៩និង១២
+ស្រុករមាសហែក៖ ១៣សាលា
– អនុវិទ្យាល័យ១២សាលា បើកថ្នាក់ទី ៧ដល់៩
– វិទ្យាល័យ១ សាលា បើកថ្នាក់ទី ៧ដល់១២
+ស្រុកស្វាយទាប៖ សរុប ៨សាលា
– អនុវិទ្យាល័យ ៦សាលា បើកថ្នាក់ទី ៩
– វិទ្យាល័យ២សាលា បើកថ្នាក់ទី ៩និង១២
+ស្រុកកំពង់រោទិ៍៖ សរុប ១១សាលា
– អនុវិទ្យាល័យ ៩សាលា បើកថ្នាក់ទី ៩
– វិទ្យាល័យ២សាលា បើកថ្នាក់ទី ៩និង១២
+ស្រុកចន្រ្ទា៖ សរុប ៦សាលា
– អនុវិទ្យាល័យ ៥សាលា បើកថ្នាក់ទី ៩
– វិទ្យាល័យ ១សាលា បើកថ្នាក់ទី ៩និង១២
+ស្រុកស្វាយជ្រំ ១៤សាលា
– អនុវិទ្យាល័យ ០៩សាលា បើកថ្នាក់ទី ៧ដល់៩
– វិទ្យាល័យ៥សាលា បើកថ្នាក់ទី ៧ដល់១២
+ស្រុករំដួល៖ សរុប ៣សាលា
– អនុវិទ្យាល័យ៣សាលា បើកថ្នាក់ទី ៩
