បន្ទាយមានជ័យ៖ ឃើញបង្គោលភ្លើងដួលទ្រេត ស្ទុះទៅលើកទល់ឡើង ត្រូវឆក់ស្លាប់ ហេតុការណ៍នេះបានកើតឡើងនៅថ្ងៃទី11.09.2021វេលាម៉ោង13 និង40នាទី នៅចំណុចផ្លូវលំខាងកើតវិមានស្បូវស្ថិតក្នុងភូមិចក សង្កាត់ព្រះពន្លា ក្រុងសិរីសោភ័ណ។
សមត្ថកិច្ចបានឲ្យដឹងថា សាកសពឈ្មោះ ឈុន ចាក់ដេត ភេទប្រុស អាយុ45ឆ្នាំ រស់នៅភូមិចក សង្កាត់ ព្រះពន្លា ក្រុងសិរីសោភ័ណ។ សាកសពបានទៅលើកបង្គោលសសរឈើទល់ខ្សែរភ្លើង ដួលជាប់និងមាត់ទឹក ចំងាយពីរបងដីខាងមុខផ្ទះ10ម៉ែត្រសពមិនមានពាក់អាវ ស្លៀកតែក្រម៉ា ក្រឡាការ៉ូពណ៌ក្រហម។
ស្ត្រីជាប្រពន្ធជនរងគ្រោះបានប្រាប់សមត្ថកិច្ចថា ពេលកើតហេតុប្ដីគាត់បានទៅលើកឈើសសរបង្គោលខ្សែរភ្លើងដួលជាប់មាត់ទឹកនៅខាងមុខផ្ទះគាត់បានចុះក្នុងទឹកហើយទាញខ្សែរភ្លើងក៏បានឆក់ នាងខ្ញុំក៏លោតទៅជួយ រួចហើយអ្នកភូមិក្បែរនោះមកជួយដែលពេលជួយទាញយកមកលើគោកត្រូវដាច់ខ្យល់ ស្លាប់ ខ្សែភ្លើងដែលទាញនោះមានស្នាមដាច់ ស្រោមជ័រ និង ចេញសសៃលួសចំនួន2កន្លែង បណ្ដាលឲ្យឆក់។ ភ្លាមៗនោះ បងប្អូនបញ្ជូនទៅមន្ទីពេទ្យបង្អែកក្រុងសិរីសោភ័ណ ពេលទៅដល់មន្ទីពេទ្យបង្អែក គ្រូពេទ្យបានមកពិនិត្យហើយប្រាប់ថាបាន ដាច់ខ្យល់ស្លាប់ហើយ។
ក្រោយពីសមត្ថកិច្ចជំនាញបានធ្វើកោសល្យវិច្ច័យបញ្ជាក់ថាសពពិតជាបានស្លាប់ដោយសារឆក់ខ្សែភ្លើងពិតប្រកដមែន ដោយសពពុំមានស្លាកស្នាមធ្វើទារណ្ឌកម្មណាមួយឡើយ រួចប្រគល់សពអោយទៅខាងសាច់ញាតិធ្វើបុណ្យតាមប្រពៃណី៕
