ខេត្តពោធិ៍សាត់ ៖នៅវេលាម៉ោង១២និង៣០នាទីថ្ងៃទី០៩ ខែកញ្ញា ឆ្នាំ២០២១ កម្លាំងនគបាលអន្តរាគមន៍របស់អធិការដ្ឋាននគរបាលស្រុកកណ្តៀង សហការជាមួយកម្លាំងប៉ុស្តិ៍នគរបាលរដ្ឋបាលកោះជុំចុះបង្រ្កាបករណីរក្សាទុក ជួញដូរ និងប្រេីប្រាស់ដោយខុសច្បាប់នូវសារធាតុញៀន មួយកន្លែងនិងឃាត់ខ្លួនជនសង្ស័យម្នាក់រួមនិងវត្ថុតាងថ្នាំញៀន ។
ករណីបង្ក្រាបនេះនៅចំណុចផ្លូវលំក្រាលគ្រួសក្រហមកងក្រលៀង ស្ថិតក្នុងភូមិអន្លង់ហាប. ឃុំកោះជុំ .ស្រុកកណ្តៀង ខេត្តពោធិ៍សាត់ ។
អធិការដ្ឋាននគរបាលស្រុកកណ្តៀង បានឲ្យដឹងនៅព្រឹកថ្ងៃទី១០កញ្ញា២០២១នេះថា ៖ ជនសង្ស័យដែលសមត្ថកិច្ចឃាត់ខ្លួនបានខាងលើនេះមានឈ្មោះ កែវ សុជា ភេទប្រុស អាយុ ២៥ឆ្នាំ ជនជាតិខ្មែរ រស់នៅភូមិទួលពង្រ ឃុំវាល ស្រុកកណ្តៀង ខេត្តពោធិ៍សាត់ ។
នៅក្នុងកិច្ចប្រតិបត្តការនេះសមត្ថកិច្ចដកហូតវត្ថុតាងរួមមាន : ម្សៅក្រាមពណ៌សថ្លា សង្ស័យគ្រឿងញៀនចំនួន ០៣កញ្ចប់ (តូច២កញ្ចប់ និងធំ១កញ្ចប់) មានទម្ងន់សរុបចំនួន ១៥.០៧ក្រាមថ្លឹងទាំងសំបកថង់ និងទូរស័ព្ទដៃចំនួន ១គ្រឿង ។
បច្ចុប្បន្នជនសង្ស័យ រួមជាមួយវត្ថុតាងត្រូវបានកម្លាំងនគរបាលបញ្ជូនមកកាន់អធិការដ្ឋាននគរបាលស្រុកកណ្តៀង ដើម្បីចាត់ការបន្តតាមនីតិវិធី ៕ដោយ៖ សុក្ខារិន
