ភ្នំពេញ ៖ ជនសង្ស័យ២នាក់ត្រូវបានសមត្ថកិច្ចឃាត់ខ្លួននាថ្ងៃទី១០កញ្ញាឆ្នាំ២០២១ បន្ទាប់ពីបានធ្វើសកម្មភាពលួចម៉ូតូមួយគ្រឿង នៅចំណុចផ្ទះជួលភូមិលេខ១(ក) សង្កាត់ស្វាយរលំ ក្រុងតាខ្មៅខេត្តកណ្តាល កាលពីថ្ងៃទី០៧ខែកញ្ញាឆ្នាំ២០២១វេលាម៉ោង០២និង៣០នាទីរំលងអធ្រាត្រកន្លងទៅ។
សមត្ថកិច្ចបានអោយដឹងថា ជនរងគ្រោះឈ្មោះប៊ុត ភក្តី ភេទប្រុស អាយុ២៩ឆ្នាំ ជនជាតិខ្មែរ ស្នាក់នៅផ្ទះជួល:ភូមិលេខ១ក(ក) សង្កាត់ស្វាយរលំ ក្រុងតាខ្មៅខេត្តកណ្តាល មុខរបរជាងសំណង់។ បាត់បង់ម៉ូតូ១គ្រឿងម៉ាកZOOMER Xពណ៌ក្រហមលាយសបិតស្កុតពណ៌បៃតង ស្លាកលេខ ភ្នំពេញ1HC-8821 ត្រូវសមត្ថកិច្ចរឹបអូសមកវិញ។
ចំណែកជនសង្ស័យ២នាក់រួមមាន ១-ឈ្មោះម៉ិញ លីហួភេទប្រុសអាយុ១៧ឆ្នាំ ជនជាតិខ្មែរស្នាក់នៅភូមិទួលក្រសាំង សង្កាត់រការខ្ពស់ ក្រុងតាខ្មៅ ខេត្តកណ្តាលមុខរបរមិនពិតប្រាកដ (ឃាត់ខ្លួន)និង២-ឈ្មោះផៃ នរ:សិទ្ធ ភេទប្រុស អាយុ៤៨ឆ្នាំ ជនជាតិខ្មែរ ទីលំនៅភូមិទួលក្រសាំង សង្កាត់រការខ្ពស់ ក្រុងតាខ្មៅ ខេត្តកណ្តាល មុខរបរមិនពិតប្រាកដ(ឃាត់ខ្លួន)។
វត្ថុតាងចាប់យកម៉ូតូ១គ្រឿងម៉ាកZOOMERXពណ៌ក្រហមលាយសបិតស្កុតពណ៌បៃតងគ្មាន ស្លាកលេខគ្មានឃ្លុបដាក់សម្ភាររបស់ជនរងគ្រោះ,ស្លាកលេខម៉ូតូចំនួន១មានលេខភ្នំពេញ1HC.8821ជារបស់ជនរងគ្រោះ,ឃ្លុបម៉ូតូZOOMER Xចំនួន១របស់ជនរងគ្រោះ, កាំបិតផ្គាក់ដងឫស្សីចំនួន១ប្រវែង៥៥ស.ម,ស្នាប់ដៃធ្វេីពីស្ពាន់ចំនួន១,ដង្កាប់ចំនួន២,កូនញញួរចំនួន១,កូនកាំបិតចុងស្រួចចំនួន៥,កូនកាំបិតបត់ចំនួន២,កូនសោអក្សរTចំនួន១,ទួណឺវីសចំនួន៣ ,កូនសោមុខ២ចំនួន១៣ ,កូនកន្រ្តៃចំនួន២ ,កំណាត់ដែក៤ជ្រុងចំនួន៦ ,កំណាត់ដែកចុងស្រួចចំនួន៣ និងឧបករណ៍សម្រាប់ប្រេីប្រាស់គ្រឿងញៀនចំនួន១ ។
សមត្ថកិច្ចបន្តថា ដំបូងជនរងគ្រោះបានទុកម៉ូតូនៅមុខបន្ទប់ជួលរបស់ខ្លួនជារៀងរាល់ថ្ងៃ , លុះដល់វេលាកេីតហេតុខាងលេីជនសង្ស័យបានធ្វេីសកម្មភាពលួចកាច់កយក ហេីយបានគេចខ្លួនបាត់តែម្តង។
ក្រោយពីបានទទួលព័ត៌មានថាមានករណីខាងលេីកម្លាំងសមត្ថកិច្ចផ្នែកយុត្តិធម៌ក្រុងតាខ្មៅបានសហការជាមួយកម្លាំងសមត្ថកិច្ចប៉ុស្តិ៍រដ្ឋបាលធ្វេីការស្រាវជ្រាវឃាត់ខ្លួនជនសង្ស័យបានរួមទាំងវត្ថុតាងបញ្ជូនមកកាន់អធិការដ្ឋានក្រុងតាខ្មៅដេីម្បីធ្វេីការសាកសួរនិងកសាងសំណុំរឿងចាត់ការតាមនីតិវិធី៕ដោយ៖ ភាវុន
