ខេត្តពោធិសាត់: នៅវេលាម៉ោង ១០ និង ៤០នាទីថ្ងៃទី៨កញ្ញា២០២១ម្សិលមិញជនសង្ស័យម្នាក់បានលួចរថយន្តម៉ាក PORSCHE សេរីឆ្នាំ២០១២ ពណ៍ស ពាក់ស្លាកលេខភ្នំពេញ2Q-2109ក្រោយទទួលបានព័ត៍មានភ្លាមពីម្ចាស់រថយន្តឈ្មោះ ៖ ហៀក វិឡៃ ភេទប្រុស អាយុ ៣២ឆ្នាំជនជាតិខ្មែរ មានទីលំនៅភូមិស្វាយគយ ឃុំពន្លៃ ស្រុកបរិបូរណ៌ ខេត្តកំពង់ឆ្នាំង ។
លោក វរសេនីយ៍ឯក ឯម រុន អធិការនគរបាលស្រុកក្រគរ បានបញ្ជាឲ្យកម្លាំងអន្តរាគមន៍ស្រុកក្រគរសហការណ៍ជាមួយ ប៉ុស្តិ៍នគរបាលរដ្ឋបាលក្បាលត្រាច ប៉ុស្តិ៍អន្លង់ត្នោត និងប្រជាការពារ ស្ទាក់ចាប់បានរថយន្ត និង ជនសង្ស័យនៅលើកំណាត់ផ្លូវជាតិលេខ៥មុខមន្ទីពេទ្យបង្អែកស្រុកក្រគរ ខេត្តពោធិសាត់ ។
ជនសង្ស័យដែលត្រូវបានសមត្ថកិច្ចឃាតើខ្លួនបានមាន ឈ្មោះ ឃឹម សីហា ភេទប្រុស អាយុ២៣ឆ្នាំ ជនជាតិខ្មែរ មានទីលំនៅភូមិ ឃុំ ស្រុក ខេត្តព្រៃវែង។
ក្រោយការបង្ក្រាបបានជនសង្ស័យនិងវត្ថុតាងបាននាំយកមកកាន់អធិការនគរបាលស្រុកក្រក្រគរដើម្បីធ្វើការសាកសួរ រួចធ្វើកំណត់ហេតុប្រគល់ទាំងសង្ស័យ១នាក់ និងរថយន្ត ១គ្រឿង ទៅផ្នែកជំនាញនៃអធិការដ្ឋាននគរបាលស្រុកបរិបូរណ៍ តាមបញ្ជារបស់លោក កូយ កាន់យ៉ា ព្រះរាជអាជ្ញាអមសាលាដំបូងខេត្តពោធិ៍សាត់ ដើម្បីចាត់ការបន្តរតាមនិតិវិធីផងដែរ ៕
