បន្ទាយមានជ័យ៖ កម្លាំងនគរបាលក្រុងប៉ោយប៉ែតឃាត់ខ្លួនជនសង្ស័យ03នាក់ ពាក់ព័ន្ធករណីប្រើប្រាស់ និងជួញដូរគ្រឿងញៀន ត្រូវបានបញ្ជូនទៅកាន់សាលាដំបូងខេត្តចាត់បន្តនៅថ្ងៃទី 05 ខែ កញ្ញា ឆ្នាំ 2021។
លោកវរសេនីយ៍ឯក សៅ សារឿន អធិការនគរបាលក្រុងប៉ោយប៉ែតបានឲ្យដឹងថា នៅថ្ងៃទី04 ខែកញ្ញា ឆ្នាំ2021 ដឹកនាំកម្លាំងអធិការដ្ឋាន សហការជាមួយកម្លាំងប៉ុស្តិ៍ផ្សារកណ្តាលបានល្បាតទៅដល់ចំនុចបន្ទប់ជួលរោងចក្រអូរនាង ស្ថិតក្នុងភូមិអូរឬស្សី សង្កាត់ផ្សារកណ្តាល ក្រុងប៉ោយប៉ែត បានឃើញជនសង្ស័យចំនួន03នាក់។ 1.ឈ្មោះ ភាព សូផាវ៉ាន់ ភេទប្រុស អាយុ19ឆ្នាំ រស់នៅភូមិអូរ ឃុំពេជ្រយាដារ ស្រុកភ្នំព្រឹក ខេត្តបាត់ដំបង មុខរបរ មិនប្រាកដ។ 2.ឈ្មោះ ស៊ី តូច ភេទប្រុស អាយុ18 ឆ្នាំ រស់នៅភូមិកូបធំ សង្កាត់និមិត្ត ក្រុងប៉ោយប៉ែត ខេត្តបន្ទាយមានជ័យ មុខរបរមិនពិតប្រាកដ។ 3.ឈ្មោះ ចោម សុឃា ភេទស្រី អាយុ 25ឆ្នាំ ស្នាក់នៅបន្ទប់ជួលរោងចក្រ ភូមិអូរឬស្សី សង្កាត់ ផ្សារកណ្តាល មុខរបរកម្មកររោងចក្រ។
ដោយពួកទាំង03នាក់ កំពុងឈរនៅមុខបន្ទប់ជួល មើលទៅគួរអោយសង្ស័យ បានសុំធ្វើការត្រួតពិនិត្យទៅលើពួកគេ ពេលនោះជនសង្ស័យបានយកប្រអប់ដាក់ទូរសព្ទបោះចោលទៅព្រៃមុខបន្ទប់ បន្ទាប់មកសមត្ថកិច្ចឆែកក្នុងប្រអប់ឃើញមានថ្នាំញៀនប្រភេទម្ស៉ៅក្រាមពណ៌សថ្លាចំនួន02កញ្ចប់ ជញ្ជីងថ្លឹងថ្នាំចំនួន01។
លោកវរសេនីយ៍ឯក សៅ សារឿន បានបញ្ជាក់ថា ក្រោមការដឹកនាំបញ្ជាផ្ទាល់ពីលោកឧត្តមសេនីយ៍ទោ សិទ្ធិ ឡោះ ស្នងការនគរបាលខេត្តបន្ទាយមានជ័យ និងមានការសម្របសម្រួលនីតិវិធីដោយឯកឧត្តម កើត វណ្ណារ៉េត ព្រះរាជអាជ្ញាអមសាលាដំបូងខេត្ត កម្លាំងបានឃាត់ខ្លួនជនសង្ស័យទាំង03នាក់ខាងលើយកទៅសួរនាំ និងរៀបចំសំណុំរឿង នៅអធិការដ្ឋាននគរបាលក្រុងប៉ោយប៉ែត។
បច្ចុប្បន្នជនសង្ស័យទាំង03នាក់ ត្រូវបានកម្លាំងជំនាញនៃអធិការដ្ឋាននគរបាលក្រុងប៉ោយប៉ែត កសាងសំណុំរឿងបញ្ជូនបន្ត ទៅកាន់ជំនាញនៃស្នងការខេត្ត ដើម្បីបញ្ជូនបន្តទៅកាន់សាលាដមបូងខេត្តចាត់ការតាមច្បាប់៕
