ខេត្តកំពង់ឆ្នាំង:វេលាម៉ោង៦និង១០នាទីព្រឹកថ្ងៃទី២កញ្ញា២០២១ម្សិលមិញនេះនៅលើកំណាត់ផ្លូវជាតិលេខ៥ ចន្លោះបង្គោលគីឡូម៉ែត្រលេខ៤៨-៤៩ ស្ថិតក្នុងភូមិតាកុល ឃុំពានី ស្រុកកំពង់ត្រឡាច ខេត្តកំពង់ឆ្នាំង មានករណីហិង្សាដោយចេតនា ដែលបង្កឡើងដោយអ្នកបើកបររថយន្តចំនួនពីរនាក់ ១. ឈ្មោះ យុំ វណ្ណះ ភេទប្រុស អាយុ២៧ឆ្នាំ រស់នៅភូមិដូនម៉ៅ ឃុំខ្លុងពពក ស្រុកទឹកផុស ខេត្តកំពង់ឆ្នាំង
២. ឈ្មោះ ជុំ វី ភេទប្រុស អាយុ៣៩ឆ្នាំ រស់នៅភូមិឈូកក្រញ៉ាស់ ឃុំឃូកស ស្រុកកំពង់ត្រឡាច ខេត្តកំពង់ឆ្នាំង បណ្ដាលឲ្យខូចខាតកញ្ចក់មើលក្រោយរថយន្តចំនួនបី និង វ៉ៃតប់គ្នា បណ្ដាលឲ្យកកស្ទះចរាចរណ៍ប្រមានជា៤ម៉ោង ។
អធិការនគបាលស្រុកកំពង់ត្រឡាចលោកវរះសេនីយ៍ឯក នួនស៉ីណាត បានអោយដឹងនៅរសៀលថ្ងៃទី៣កញ្ញា២០២១នេះថានៅមុនពេលកើតហេតុរថយន្តដឹកកម្មករោងចក្រទាំង២គ្រឿងបានបើកឡើងវ៉ាជែងគ្នាបណ្តាលអោយប៉ះបែកកញ្ចក់ខាងសម្រាប់មើលក្រោយរថយន្តផ្សេងទៀតហើយអ្នកបើកបររថយន្តទាំង២គ្រឿងឈ្លោះប្រកែវាយតប់គ្នាទៅវិញទៅមកដោយទុករថយន្តទាំង២គ្រឿងនៅលើថ្នល់បណ្តាលអោយកកស្ទះផ្លូវប្រមាណជាង៤ម៉ោងទើបសមត្ថកិច្ចធ្វើការសម្រួលចរាចណ៍អោយដំណើការឡើងវិញជាធម្មតា ។
អធិការនគបាលស្រុកកំពង់ត្រឡាចបានអោយដឹងទៀតថាក្រោយពីបានទទួលបណ្ដឹងពីប្រជាពលរដ្ឋតាមរយះ ទូរស័ព្ទ កម្លាំងនគរបាលប៉ុស្តិ៍ពានី និងកម្លាំងជំនាញអធិការនគរបាលស្រុកកំពង់ត្រឡាច បានចុះដល់កន្លែងកើតហេតុបានឃាត់ខ្លួនជនបង្កទាំងពីរនាក់ រួមទាំងរថយន្តពីរគ្រឿងមកអធិការនគរបាលស្រុក កសាងសំណុំរឿងបញ្ជូនមកការិយាល័យព្រហ្មទណ្ឌកម្រិតស្រាល នៃស្នងការដ្ឋាននគរបាលខេត្តដើម្បីចាត់ការបន្តតាមនីតិវិធីផងដែរ ៕ សុក្ខារិន
