ខេត្តកំពង់ឆ្នាំង៖វេលាម៉ោង៧ និង១៥នាទីយប់ថ្ងៃទី 31 កក្កដា ២០២១ នៅចំណុចវាលធំ នៅលើកំណសត់ផ្លូវជាតិលេខ ៥ ចន្លោះបង្គោលគីឡូម៉ែត្រលេខ៥៦និង៥៧ ស្ថិតក្នុងភូមិព្រៃពិស ឃុំឈូកស ស្រុកកំពង់ត្រឡាច ខេត្តកំពង់ឆ្នាំង ។
សមត្ថកិច្ចនគបាលមូលដ្ឋានបានអោយដឹងថាពិតជាកើតមានករណីគ្រោះថ្នាក់ចរាចរណ៍មួយកើតឡើងរវាងម៉ូតូម៉ាកហុងដាសេ១២៥ ពណ៌ ខ្មៅពាក់ស្លាកលេខ កំពង់ឆ្នាំង1J 3625 អ្នកបើកបរឈ្មោះ ញាន តូច ភេទប្រុស អាយុ ៣៣ឆ្នាំ ជនជាតិខ្មែរឥស្លាម រស់នៅភូមិទួល ឃុំឈូកស ស្រុកកំពង់ត្រឡាច ខេត្តកំពង់ឆ្នាំង បើកបរទិសដៅពីខាងត្បូងឆ្ពោះទៅទិសខាងជើង ។
សមត្ថកិច្ចបានអោយដឹងទៀតថានៅពេលបើកមកដល់ចំណុចខាងលើក៏បានបើកឡើងវ៉ាជែងនិងរថយន្តម៉ាក សាំយ៉ុង ពណ៌សពាក់ស្លាកលេខ ភ្នំពេញ 2Y 0815 អ្នកបើកបរមិនស្គាល់អត្តសញ្ញាណបានចុះរត់ គេចខ្លួនបាត់ បើកបរពីទិសខាង ត្បូងឆ្ពោះទៅទិសខាងជើងក្នុងដំណើរស្របទិសគ្នា ហើយបានជ្រុលទៅបុកនិងរថយន្តម៉ាកឡិចសុីស Rx 330 អ្នកបើកបរមិនស្គាល់ អត្តសញ្ញាណ ហើយរត់គេចខ្លួនបាត់គ្រាដែលម៉ូតូរងគ្រោះខាងលើនៅក្នុងចំណែកផ្លូវរបស់រថយន្ត ឡិចស៊ីស Rx 330 ដែលកំពុងបើកបរពីទិសខាង ជើងឆ្ពោះទៅទិសខាងត្បូងក្នុងដំណើរច្រាស់ទិសគ្នា ហើយម៉ូតូបានខ្ទាតមកបុកនិងរថយន្តម៉ាក សាំយ៉ុង ខាងលើវិញបណ្តាលអោយខ្ទេច និងធ្វើអោយរបួសធ្ងន់មនុស្សម្នាក់ជាអ្នកបើកបរម៉ូតូត្រូវបានសមត្ថកិច្ចនិងប្រជាពលរដ្ឋហៅរថយន្តសង្គ្រោះយកទៅសង្គ្រោះបន្ទានើនៅមន្ទីរពេទ្យបង្អែកស្រុកកំពង់ត្រឡាច។
ក្រោយពេកកើតហេតុកម្លាំងសមត្ថកិច្ចនគបសលមូលដ្ឋាននិងនគបាលចរាចរណ៍ស្រុកធ្វើការវាស់វែងរួចនាំយកវត្ថុតាងទាំងរថយន្តនិងម៉ូតូតមករក្សាទុកនៅអធិការដ្ឋាននគរបាលស្រុកកំពង់ត្រឡាច រងចាំដោះស្រាយតាមនិតិវិធីផងដែរ ៕ដោយ សុក្ខារិន
