កណ្តាល ៖ មានឧប្បត្តិហេតុលិចទូកដ នៅចំណុចកំពង់ដទទឹង ចម្លងពីភូមិអំពិលទឹក ទៅ ភូមិកោះចំរើន ឃុំកំពង់ភ្នំ ស្រុកលើកដែក ខេត្តកណ្តាល កាលពីថ្ងៃព្រហស្បតិ៍ ទី១៣ ខែតុលា ឆ្នាំ២០២២ វេលាម៉ោង ៧យប់ បណ្តាលឱ្យជនរងគ្រោះ១៥នាក់លិចចូលក្នុងទន្លេ ហើយសមត្ថកិច្ចស្រង់បានភ្លាមៗបាន៦នាក់ នៅរស់៤នាក់និងស្លាប់២នាក់, បាត់ខ្លួន៩នាក់ និង រហូតមកដល់រសៀលនេះ នៅសល់ជនរងគ្រោះ៣ នាក់ទៀតមិនទាន់រកឃើញ ។
សមត្ថកិច្ចស្រុកលើកដែកបានឱ្យដឹងថា បន្ទាប់ពីមានករណីលិចទូកដ សមត្ថកិច្ចចម្រុះបានជួយសង្គ្រោះមនុស្សបាន០៦ នាក់ (ស្រីម្នាក់)ស្លាប់២នាក់ និង នៅរស់៤នាក់រួមមាន ៖
១-ឈ្មោះ ថេត គន្ធី ភេទប្រុស អាយុ ១៥ ឆ្នាំ មុខរបរកម្មករបើកទូកដទទឹង មានទីលំនៅសព្វថ្ងៃនៅ ភូមិ អំពិលទឹក ឃុំកំពង់ភ្នំ ស្រុកលើកដែក ខេត្តកណ្តាល (រស់),
២-ឈ្មោះ វណ្ណី រដ្ឋា ភេទប្រុស អាយុ ២៣ ឆ្នាំ មុខរបរកម្មករបើកទូកដទទឹង មានទីលំនៅសព្វថ្ងៃ ភូមិអំពិទឹកទឹក ឃុំកំពង់ភ្នំ ស្រុកលើកដែក ខេត្តកណ្តាល (រស់),
៣-ឈ្មោះ វី ចាន់ប៊ូរ៉ា ភេទស្រី អាយុ ១២ ឆ្នាំ មុខរបរសិស្ស (រស់),
៤-ឈ្មោះ ផាត ទីណា ភេទប្រុសអាយុ ១៤ ឆ្នាំ មុខរបរសិស្ស (ស្លាប់),
៥-ឈ្មោះ ភ័ក្រ ភានុន ភេទប្រុស អាយុ១៤ឆ្នាំ មុខរបរសិស្ស (ស្លាប់),
៦-ឈ្មោះ រឿន សា ភេទប្រុស អាយុ ១៥ ឆ្នាំ (រស់) អ្នកទី៣-៤-៥-៦ខាងលើមានទីលំនៅសព្វថ្ងៃ ភូមិកោះចំរើន ឃុំកំពង់ភ្នំ ស្រុកលើកដែក ខេត្តកណ្តាល។
ចំណែកសិស្សសាលាដែលបានបាត់ខ្លួនដែលពុំទាន់រកឃើញ មានចំនួន០៩ នាក់(ស្រី០៣នាក់) រួមមាន ៖
១-ឈ្មោះ ឧត្តម មុនី ភេទប្រុស អាយុ ១៣ ឆ្នាំ មុខរបរសិស្ស (បាត់ខ្លួន),
២-ឈ្មោះ មាស សុវណ្ណារ៉ា ភេទប្រុស អាយុ ១៤ ឆ្នាំ មុខរបរសិស្ស(បាត់ខ្លួន),
៣-ឈ្មោះ សុវត្ថិ សក្ខិណា ភេទស្រីអាយុ ១៣ ឆ្នាំ មុខរបរសិស្ស(បាត់ខ្លួន),
៤-ឈ្មោះ ចាន់ សុខជីម ភេទប្រុសអាយុ ១៤ ឆ្នាំ មុខរបរសិស្ស (បាត់ខ្លួន),
៥-ឈ្មោះ ភារម្យ ដាវីន ភេទប្រុសអាយុ ១៣ឆ្នាំ មុខរបរសិស្ស (បាត់ខ្លួន),
៦-ឈ្មោះ សុន សុផាត ភេទប្រុសអាយុ ១៤ ឆ្នាំ មុខរបរសិស្ស(បាត់ខ្លួន)
៧-ឈ្មោះ បិនដា ជូលី ភេទស្រីអាយុ ១៣ឆ្នាំ មុខរបរសិស្ស(បាត់ខ្លួន)
៨-ឈ្មោះ រី សុលីន ភេទស្រី អាយុ ១២ ឆ្នាំ មុខរបរសិស្ស (បាត់ខ្លួន)
៩-ឈ្មោះ ផាត សុខហេង ភេទប្រុស អាយុ១៤ឆ្នាំ មុខរបរសិស្ស (បាត់ខ្លួន),អ្នកទាំង០៩នាក់ខាងលើ មានទីលំនៅសព្វថ្ងៃ ភូមិ កោះចំរើន ឃុំកំពង់ភ្នំ ស្រុកលើកដែក ខេត្តកណ្តាល។ ក្នុងចំណោមជនរងគ្រោះទាំង៩នាក់នេះ នៅសល់៣នាក់ទៀតមិនទាន់រកឃើញ ។
ករណីខាងលើនេះ សមត្ថកិច្ចកំពុងបន្តស្វែងរកជនរងគ្រោះដែលបាត់ខ្លួន៣នាក់ទៀតនៅឡើយ៕ ដោយ ភាវុន
