ដោយៈសេង ពិសិដ្ឋ
ព្រះវិហារៈនាព្រឹកថ្ងៃទី ១០ ខែកញ្ញា ឆ្នាំ២០២១នេះ នៅទីបញ្ជាការតំបន់ប្រតិបត្តិការសឹករង ព្រះវិហារបានបើកក្នុងកិច្ចប្រជុំបូកសរុបការងារយោធាសន្តិសុខ ប្រចាំឆមាស ទី១និងដាក់ ចេញ ទិសដៅឆមាសទី២ ឆ្នាំ២០២១និងបានប្រកាសតែងតាំងផ្លាស់ប្តូរ មុខងារតួនាទីភារកិច្ច របស់ នាយ នាយទាហាន ចំណុះ ទីបញ្ជាការតំបន់ប្រតិបត្តិការសឹករងព្រះវិហារ។ កិច្ចប្រជុំនេះធ្វើឡើងក្រោមវត្តមានឯកឧត្ដម ឧត្តមសេនីយ៍ទោ ច័ន្ទ សុភ័ក្ត្រា មេបញ្ជាការ តំបន់ប្រតិបត្តិការសឹករងព្រះវិហារ និងមានការចូលរួមមេបញ្ជាការង នាយ នាយរងការិយា ល័យចំណុះទីបញ្ជាការទាំងមូលផងដែរ។
ក្រោយពីបានស្ដាប់របាយការណ៍លំអិតរបស់លោក វរៈសេនីយ៍ឯក ម៉ៅ សុវណ្ណ នាយសេនា ធិការ រួចមក ឯកឧត្ដម មេបញ្ជាការ បានថ្លែងកោតសសើរនិងបានជម្រុញបន្ថែមដល់នាយ នាយទាហាន ពលទាហាន ដែលបានបំពេញតួនាទីភារកិច្ចបានយ៉ាងល្អប្រសើរ ជូនដល់អង្គភាពក្នុងរយៈ ពេលកន្លងមក។
ឯកឧត្តមមេបញ្ជាការក៏បានណែនាំដាសតឿនបន្ថែមដល់នាយ នាយ ទាហាន ពលទាហានដែល ត្រូវបានទទួល តួនាទីភារកិច្ចថ្មី សូមកុំអោយភ្លើតភ្លើន និងតួនាទីភារកិច្ចថ្មីរបស់ខ្លួន ដែលទើបនឹងទទួលបានក្នុងពេលនេះ និងសូមអោយយក តួនាទីភារកិច្ចថ្មីនេះ ទៅបំពេញអោយចំនូវគោលដៅ ភារកិច្ចរបស់ខ្លួន ក៏ដូចជា ភារកិច្ចរបស់ អង្គភាព ព្រមទាំងលក្ខន្តិកៈ របស់កងយោធពលខេមរ ភូមិន្ទ ដែលបានថ្នាក់លើប្រគល់ជូន ដើម្បី សម្រេចបាន ជោគជ័យ ជាពិសេសត្រូវចូលរួម សហការជាមួយស្ថាប័នផ្សេងៗ ទប់ស្កាត់ ការរត់ពន្ធឆ្លង ដែនខុសច្បាប់ ជាពិសេស គ្រឿងញៀនឆ្លងដែននិងសហការជា មួយអជ្ញាធរ មូលដ្ឋាន ចូលរួមទប់ស្កាត់ការឆ្លង រីករាលដាល ជម្ងឺកូវីដ១៩ ព្រមទាំងការអនុវត្តនូវវិធាន ការ៣កុំ ៣ការពាររបស់ប្រមុខ រដ្ឋាភិបាល និងការ ផ្សព្វផ្សាយរបស់ក្រសួងសុខាភិបាល ដែលបានដាក់ចុះ ត្រូវមានមនសិ ការ ការពារ ជាតិ សាសនា ព្រះមហាក្សត្រ និងបូរណៈភាពទឹកដីនៃព្រះរាជាណាចក្រកម្ពុជាយើងផងដែរ៕
